ನಿವೇದನೆ

ಭಾವನೆಗಳೂ ಎಂದಿಗೂ ಶಾಶ್ವತವಲ್ಲ....ಆದರೂ ಯಾವ ಭಾವಕ್ಕೆ ಸಾವಿಲ್ಲ ಅನ್ನಿಸಿತೋ ಅದನ್ನ ನಿಮ್ಮ ಮುಂದೆ ಇಟ್ಟಿದ್ದೇನೆ....ಈ ಭಾವಕ್ಕೆ ಜನಿಸಿದ ಕೂಸುಗಳೆಲ್ಲವೂ ಸುಂದರ, ಸಧೃಡ ಎನ್ನಲಾರೆ.... ಆದರೆ ಯಾವುದೂ ಸಮಯಕ್ಕೆ ಮೊದಲೆ ಹುಟ್ಟಿದ ಅಥವಾ ಸತ್ತು ಹುಟ್ಟಿದ ಕೂಸುಗಳಲ್ಲ....

Friday, May 8, 2009

ನಾವು ಹುಡುಗರು ಹೀಗೇ ಕಣ್ರೀ

"ಅವ್ಳು ನನ್ನ ಲವ್ ಮಾಡ್ತಾ ಇದಾಳೆ ಅನ್ನಿಸ್ತಿದ್ಯೋ"
ನನ್ನ ಗೆಳೆಯ ಬಂದು ಹೀಗೆ ಹೇಳಿದಾಗ ಕೇಳಿದೆ "ಅದು ಹ್ಯಾಗೆ ಹೇಳ್ತೀಯ?" ಅಂತ.
"ಹೌದೋ ಅವಳು ನನ್ನ ಜತೆ ಆಡೋ ರೀತಿ ನೋಡಿದ್ರೆ ಹಾಗೇ ಅನ್ನಿಸ್ತಾ ಇದ್ಯೋ"
"ಯಾಕೆ ಹಾಗೆಲ್ಲ ಅಂದ್ಕೊತೀಯ ಅದು ಬರೇ ಫ್ರೆಂಡ್ಶಿಪ್ ಇದ್ದಿರಬಹುದೋ"
"ಇಲ್ಲ ಕಣೋ ಅವಳು ನನ್ನ ಹತ್ತಿರ ಮಾತ್ರ ಥರ ನಡೆದು ಕೊಳ್ತಾಳೆ. ಬೇರೆ ಮಾತೆ ಇಲ್ವೋ ಅವ್ಳು ನನ್ನೇ ಲವ್ ಮಾಡ್ತಾಇರೋದು"

ಅಂಥದ್ದೊಂದು ಭ್ರಮೆ ಅವನಲ್ಲಿ ಹುಟ್ಟಿ ಬಿಟ್ಟಿತ್ತು. ಆದರೆ ಅವಳೇ ತನ್ನ ಪ್ರಿಯತಮನ ಇವನಿಗೆ ಪರಿಚಯಿಸುವುದರೊಂದಿಗೆ ಅದು ಸತ್ತಿತು ಕೂಡ. ಅದಕ್ಕೆ ನಾನು ಹೇಳಿದ್ದು ಮತ್ತು ನನಗೆ ಅನ್ನಿಸಿದ್ದು 'ನಾವು ಹುಡುಗರೇ ಹೀಗೆ' ಅಂತ.
ಯಾರೋ ಒಬ್ಬಳು ಒಂದೊಳ್ಳೆ smile ಕೊಟ್ಟರೆ ಸಾಕು.......ಕೆಂಪಿರುವೆ ಗೂಡು ಮೈಮೇಲೆ ಬಿದ್ದಂತೆ ಆಡುತ್ತೇವೆ. ಹುಡುಗಿಯೊಬ್ಬಳು lovely ಅನ್ನೋವಂಥ message ಅನ್ನಾ ಅವಳ friends groupಗೇ forward ಮಾಡಿರ್ತಾಳೆ. ಆದರೆ ಇವಮಾತ್ರ "ನಂಗೇ ಯಾಕೆ ಥರ message ಮಾಡಿದಾಳೆ?" ಅಂತ ಯೋಚನೆಗೆ ಶುರು ಇಡ್ತಾನೆ. ಭವಿಷ್ಯ ಹೇಳ್ತೀನಿ ಕೈ ಕೊಡು ಅನ್ನುತ್ತಾ "ನಿನ್ನ ಹೆಂಡತಿ ತುಂಬ ಪುಣ್ಯವಂತೆ" ಅಂದಿರ್ತಾಳೆ ಕೇವಲ ಸ್ನೇಹದ ಸಲುಗೆಯಿಂದ. ಅದನ್ನಿವ, "ನಾನೇ ನಿನ್ನ ಹೆಂಡತಿ" ಅಂದಳು ಅಂದ್ಕೊತಾನೆ.

ಒಮ್ಮೆ ಯೋಚನೆ ಕೂಡ ಮಾಡುವುದಿಲ್ಲ.........
ನಾನ್
ಅವಳನ್ನ ಪ್ರೀತಿಸಲು ಅರ್ಹನಾ? ನನ್ನಂಥವನ ಅವಳು ಇಷ್ಟ ಪಡ್ತಾಳ? (ಪ್ರೀತಿಸೋ ಹೃದಯಗಳಿಗೆ ಇಂಥವುಗಳ ಹಂಗು ಇರುವುದಿಲ್ಲ ಅನ್ನೋದು ನಿಜ..ಆದರೂ)
ತಾನು
ಬೆಳ್ಳಿ i love
you ಅಂದ್ರೆ ಅವಳು ಕರಿಯ i love you ಅಂತಾಳ? (ಸುಂದರಿಯನ್ನ ಪ್ರೀತಿಸೋನು ಸುಂದರನೇ ಆಗಬೇಕು ಅಂತೇನೂ ಇಲ್ಲ..ಆದರೂ)
ಇವಳನ್ನ love
ಮಾಡಿದ್ರೆ ಮುಂದೆ ಎಲ್ಲ ಸಲೀಸಾಗಿ ನಡೆದೀತ? (ಇವಕ್ಕೆಲ್ಲ ಹೆದರಿ ಕುಳಿತರೆ ಯಾರು love ಮಾಡಲಾರಾರರು..ಆದರೂ)


ಇಂಥವೆಲ್ಲ ಭ್ರಮೆಗಳು ನಮ್ಮಂಥ ಹುಡುಗರಿಗೆ ಯಾಕೆ ಕಾಡ್ತಾವೆ ಅಂತ ಗೊತ್ತಿಲ್ಲ. ಆದರೆ ಇವಕ್ಕೆ ಒಂದು ಶುದ್ಧ ಸ್ನೇಹ ಸಂಬಧವನ್ನ ಹಾಳು ಮಾಡುವ ತಾಕತ್ತಿರತ್ತೆ. ಇಂಥವೇ ಭ್ರಮೆಗಳ ಮಧ್ಯೆ ಸಿಲುಕಿದ ಹುಡುಗ ಒಂದು ದಿನ ಅವಳ ಎದುರು ನಿಂತು " ನಂಗೊತ್ತು. ನೀನು ನನ್ನ love ಮಾಡ್ತಾ ಇದೀಯ ಅಂತ i love you ಕಣೇ" ಅಂತಾನೆ. ಅವಳು "ಅಯ್ಯೋ! ಅಣ್ಣ ತಮ್ಮ ಇಲ್ಲದ ನಾನು ನಿನ್ನನ್ನೇ 'ಅಣ್ಣ' ಅಂದುಕೊಂದಿಡ್ನಲ್ಲೋ" ಅಂತಾಳೆ. ಕ್ಷಣದಿಂದ ಒಂದು ಸುಂದರ ಸ್ನೇಹ ಸತ್ತು ಕೊಳೆತು ನಾರಲು ಶುರುವಾಯಿತು ಅಂತಾನೆ ಅರ್ಥ.

ರವಿ ಬೆಳಗೆರೆ ಹೇಳಿದ ಮಾತು ನೆನಪಾಗತ್ತೆ..... ಒಂದು ಸಾರಿ i love you ಅಂದ ಮೇಲೆ, ಅದೆಷ್ಟೇ ಬಾರಿ ಮೊದಲಿನ ಥರಾನೆ friends ಆಗಿ ಇರೋಣ ಅಂದರೂ ಊಹೂಂ ಸಾಧ್ಯವಿಲ್ಲ. ಸ್ನೇಹ ಎಂಬ ಪುಟ್ಟ ಚಿಗುರಿಗೆ ದೊಡ್ಡ ಕೊಡಲಿ ಏಟು ಬಿದ್ದಿರುತ್ತೆ.



ಆದರೆ
ಒಂದಂತೂ ನಿಜ
ನಾವು ಹುಡುಗರು ಎಂದೂ ಹೀಗೇ
ನೀವೇನಂತೀರಾ?

1 comment:

  1. Hey brother, Fantastic… keep up the good work. I am happy to browse your blog.

    ReplyDelete